Staro chaupa, choć gůralsko, tako blisko mi śe zdaua Starźik śod se při ńjyj śelsko, jakoś ćiga zabečaua W kuchńi gorkůw gro uorkestra... Strwjůnž do Přimšy, ńjy do Dńystra chnet uobrůćiu rychtůng I tyn zapach taki znany jakbych nośiu go ze sobům couki žywot kajś schowany tam guymboko, bližšy grobům ańiželi śwjatu tymu, co spůmńyńu nojguymbšymu kože dycki milčeć Mruža uočy... chnet ta bryua gůr, co kořiń můj přijyny kůntur bliskych houd wyrůua pod powjekům... Skůnd śe wźyny downych přežyć mych korale?... Ńy přeškadzou žech im wcale uoplyść dušyčki stynskńůnyj... Tam kej jo žech pjyrwyj mjyškou stou familok, ajncla jydna bůua śyń s ausgusym w środku i sůmśadka bůua wredna co ze šmatům mje gůńiua... W pjosku dźouška śe bawiua, uyžkům w zymfćoku fyrlaua Kajžeś dźiśij je, ma Frelko?! Dyć juž ždřauo i dźećato Može jak elefant wjelgo lub uoškliwo i ščyrbato, ale přeca tako miuo! ...aže serce mi zabiuo jakech spůmńou dźiś uo Tobje! Teroz tych dźećinnych lat raj uobrůs juž źelůnům trowům a sůmśadka je juž tam kaj chmurki wysoko nad gowům het dušyčka jej lećaua, stamtůnd šmatům mi machaua furgajůnc radośńe Bůu poranek, ćwjerć na uůsmo, z betůw zerwou žech śe žywo Dyć do škouy!... Starźik luz mo, ino w uokno wejřou krźiwo „zaś gouymbje wrůble gůńjům!” Machnůu žech wychodzůnc důńjům, chćoubych mjeć take strapjyńa! Furman wjechou do ajnfartu „kartofle, kartofle” wouo Jo šykuja śe do startu, bo ńy bydźe mi wesouo jak zaś rechtůr mje přůuapje na spůźńyńu... W mocnyj uapje ucho moje třimou bydźe! Leca, tchu ńy můgůnc zuapać, rozpruwajůnc dywan liśći Juž mje w gardle začůn drapać dym polůnych wšyndy kiśći tych kadźideu mšy jeśynnyj dlo myj dušy tak zbawjynnyj bo wše troski wyń kojůncyj... Južech uśod w zadńjyj uawce Koždy coś blajštiftym kryśli Jo zaś śe přiglůndům kawce co tyž uůna se tam myśli?... šwarńy s gouyńźi ślotujůnc w parapeće upatrujůnc kaj pośńodać je nojlepjyj... Uoroz zrywo mje tyn dzwůnek „pjyńć minut wolnośći tylko!” guośi wšyjstkym jak skowrůnek... ale kedy uůn zamilko jo śe budza gupi blank skůnd śe wźyno ždřado, šrank?... Přeca žech na Ślůnsku byu!!! [Beszad, Bieszczady]